دعاء رمضان اللهم عجل بحكامنا

في الشهر الجليل دعاء واحد قد يستجيبه الله لك لو قمت بالتركيز عليه ولا يوجد أفضل من الدعاء علي حكامنا بتعجيل خاتمتهم لكي نشعر بالسعاده وأراملهم بيشربوها ساده وتبرد نارنا ونار شهدائنا تحت أنقاض جبل المقطم وشهداء العباره وقطار كفر الدوار وقطار الصعيد وشهداء السجون والمعتقلات الذين لم يرتكبوا أي ذنب وأي جريمه سوي حب الوطن ناهيك عن الملايين الذين هتكت أعراضهم في المظاهرات وأصيبوا بعهات مستديمه كان أخرها في يوم 6 أبريل لآبناء المحله الابطال الاحرار , هل سيظن النظام أن هائولاء الناس وأفراد الشعب المصري كله سيتركهم في حالهم أن الشعب يدعو عليهم ليلا ونهارا لعل الله يحرقهم كما حرق مجلسي الشعب والشوري لقد شعر الشعب بالسعاده وهو يشهد أقوي رموزهم وهي تحترق وهم لا حول لهم ولا قوه وحينما جاء الرئيس رئيس العصابه أنفتح المولد مولد الشمشرجيه والمطبلاتيه وكدابين الزفه وكله كان بيزايد عليه بخمسين وأنا ستين علشان الحبايب والحاج جمال عريس الفرح ,الي أن شعر الرئيس بالاحراج وقرر أن اللي يشيل الليله الشعب المصري (علشان الشماته)وأن تتم الترميمات من خزينه الدوله ..اللي فتحينها مقاوله ماهي الخزينه دي جيوب الشعب المخرومه ومنفده علي حبيبهم أنتي متخنئتش مثلا من الاسطوانه المشروخه بتاعت الضرايب والخرايب كل يوم بيتولد لهم ضربيه وفلحين يئولولنا حددو النسل هما بيعملوا القوانين علشان الفئرانين اللي زينا يروحوا في ستين داهيه عايزتلتزم وتكون محترم مينفعش في البلد دي لازم تكون مرتشي تخلص أي مصلحه بالفلوس والوسطه والمحسوبيه هيه دي بلدنا مصر أم الدنيا,يا تري بعد كل اللت والعجن في أحوال البلد السوده حد حيبقي علي النظام ,كله بيتمني يصبح رميم وشويه عظام من نظام الي عظام وأنا أول واحد حيفرق شربات وحلويات ده يوم المني لما حبيبنا يغورو من وشنا أحنا شبعنا منهم والدود مستني اللحم الطري المحشي و المبني علي الغزلان والدندي والجمبري نفسه يدوقوا أصله زهق مننا شعب معضم ملضم مفيهوش حاجه تتاكل وهما ماشاء الله متختخين وملينين من دم الغلابه ,غلبوا الناموس المتعوس ربنا يكرمهم بفضل رمضان و يحلوا عن سمانا ولا لسه مئنش الاوان بس أنا حلمي نتوحد كلنا كل العباد علي دعوه وحده ربنا ياخد حكامنا ويريحنا منهم قادر يا كريم